Ando Ungriko Them mashkar o Nyirbator thaj Mateszalka si o Hodasz, kathe rodas o Gavutno Romano Muzeumo.
Ando Hodasz kerel butyi e etnografushica, kon zhudyi misal si pe kodi, hoj mashar o pharo krujalipe avri shaj phagas. Ando 1970 bersh e Melindaki dej kerdas ando gav jekh romani xurdyelin, kadi sas e angluni xurdyelin ando them kaj romanes sityonas le shavora. Maj laki shej - e dujto diplomasho ando gav - ingerdas majdur laki butyi. Kodi kamelas, hoj le manusha, sar kethanipe majmishto te trajon, misto kadi kerdas o Gavutno Romano Muzeum, so ando Ungriko Them thaj ande Europa o angluno romanon gavutno muzeum si. Akanak ande jekh 2012 –to bersh, ando TÁMOP-programo sidyarel te zhutil ando gav le teluni shkolake shavorenge, hoj lengi kompetencija te barol (khuven anda ranyika, folklor gilyi, folklor khelipe, artistipe thaj romano-ungriko webradio sityon). Vi jekh „Alkotóház” kamelas te kerel, saveske zidura aba tordyon, de gata te avel love trubun, so inke azhukaravel pe peste.
